Ka hun tawna ropui ber - Hayes

Emma Hayes chuan Paris Olympic 2024 hmeichhe football huangah United States a champion pui a, gold medal an lak chu a football zinkawnga a hun tawn ropui ber a nih thu a sawi chhuak.

Kum 47 mi Hayes kaihhruai US team hian gold medal inchuhna inkhelah Brazil 1-0 in an hneh a, kum 2012 hnua a vawi khat nan US nula ten Olympic gold medal an pet chhuak a ni.

Chelsea tana Women's Super League chawi hlim a ni a, club tana hlawhtlinna a chan aṭanga ni 84 hnu lekah US a hlawhtlinpui leh a ni. Hayes chuan, "Chelsea ka hmangaih a, hlawhtlinna kan chan zawng zawng te kha a hlu vek.

"Chutihrualin, tun hma lama ka thil lo tawh tawhte nena khaikhin chuan tuna mi hi a lianin a ropui zawk. Tun hma lama team ropui leh hlauhawm ni ṭhin kha a ropuina kan ko kir," a ti.