Liverpool-in Carvalho hralh dawn

Southampton dawrna an hnar hnuah Liverpool chuan Fabio Carvalho lei diltu Brentford dawrna an pawm a, pound maktaduai 27.5-a hralh turin an inrem - Brentford hian an pe tla nghal vek dawn lo a, a khelh ṭhat dan a zira pek belh tur a awm ang.

Brentford hian a tirah £20mtd an pe phawt ang a, Carvalho hi an hralh leh a nih chuan Reds hian 17.5% sum an dawng ve dawn bawk - Liverpool hian Fulham aṭangin kum 2022 khan Carvalho hi £5mtd-in an lei a, an hralhna sum aṭanga 20% hi Cottagers hian an chang ve leh dawn a ni.

Kum 21 mi Carvalho hi Southampton pawhin £15mtd-a lei tumin Reds an dawr a, mahse, Liverpool hian heti zat leka hralh an phal loh avang hian an hnar a, Brentford dawrna erawh an pawmsak.

Carvalho hian Liverpool tan match 21 khelin goal thum a khung hman a, season hmasa kha Hull City leh RB Leipzig-ah loan-in a khel. US pre-season tour-ah Liverpool tana feh chhuak zingah a tel a, a chet ṭhat avangin Reds fan-ten an ui hle.