Wales squad-ah Liverpool rawlthar Williams

UEFA Nations League khel tur Wales boss Ryan Giggs chuan squad a puang a, player koh zingah Liverpool defender ṭhangduang Neco Williams a tel. 

Wales hian September thlatirah Finland leh Bulgaria an hmachhawn dawn a, Giggs hian a vawi khat nan player pahnih a ko. Kum 19 mi Williams bakah hian kum 20 mi, Swansea City centre-back Ben Cabango te chu a ko a ni. 

Real Madrid-a a dinhmun chiang lo mek Gareth Bale pawh squad-ah telh a ni a, Juventus chhuahsan tur anga sawi Aaron Ramsey chu Giggs hian a ko tel bawk. Ram tana inkhelh a chawlhsan hnua a thutlukna a thlak leh takah chuan West Brom forward Hal Robson-Kanu pawh koh a ni a, Stoke City midfielder Joe Allen chu hliam vangin koh zingah a tel lo.