Final-ah GAC Vs HBC

Women & Child Development I Day Inter College Women's Football Tournament 2024-ah Govt Aizawl College leh Hrangbana College ten final an lut a, August 15, Ningani hian final khelh a ni ang.

Nimin khan group match hnuhnung ber khelh a ni a, pakhatna dinhmun hauhtu Govt Aizawl College-in team ṭha an ni tih lantirin PUC chu 2-1 in an hneh. PUC-in Vanlallawmawmi hmangin hma hruai mah se GAC-in Carolyne Lalromawii leh Laldinpuii te hmangin an lehthal. GAC hi match thum khelhah an chak vek.

PUC an chak loh avangin match hnuhnung zawk khelh hmain final khel tur a chiang a, Hrangbana College an inthlahdah phah lo. HBC hian T. Romana College 12-0 in an hneh a, match thumah point ruk hmuin final an lut.