LBS Suzuki CYMA Volleyball: Dar 9:30-ah Hunthar Vs Khawbel

CYMA leh Mizoram Volleyball Association buatsaih LBS Suzuki 23rd Inter Branch YMA Volleyball Tournament 2024 mipa quarterfinal chu vawiin hian R. Dengṭhuama Hall, Mualpuiah khelh a ni dawn. Vawiin aṭangin court khatah chauh khelh a ni tawh dawn a, dar 9:30 aṭangin inkhelh ṭan a ni ang.

Quarterfinal match li khelh turah champion lai Hunthar leh Pro Volleyball League kai thar Khawbel inkhel tur hi en châkawm bik a ni a, chak tur hriatthiam a har hle. Champion lai Hunthar hi tla thei dinhmunah an ding.

Inkhel dang pathumah erawh Chhinga Veng, Muanna Veng leh Khawhai te chak tura ngaih an ni a, branch pathum hian semifinal an thleng thei lo a nih chuan upset a ni thei ang.