Vawiin aṭangin I Day 9 Ball Pool C'ship

13th August, 2024

Mizoram Snooker & Billiards Association (MSBA) chuan vawiin aṭangin Millennium Center Atrium-ah CK Hyundai I Day 9 Ball Pool Championship 2024 an buatsaih dawn. Inelna hi ni thum awh tur a ni a, August 15, Ninganiah khelh awh a ni ang.

9 Ball Pool C'ship-ah hian MSBA top 16 player-te an inlan dawn a, Mizorama pool khel thiam bikte an kim viau ang. Lawmmanah Rs 50,000 sem ral a ni dawn a, Explore Mizoram Youtube Channel-ah Live Broadcast a ni ang.

Championship-ah CK Hyundai chu main sponsor a ni a; Mahindra Tractors, Cafe Desire, Mualhawih Picnic Spot, Pepperfry Bawngkawn leh Marlboro te chu co-sponsor an ni.