Liverpool - chak leh chak zo lo!

Season ṭan hmaa an match hnuhnung pahnih chu Pathianni khan Liverpool-in an khel a, match hmasa zawkah 4-1 a Sevilla sawpin, match hnihnaah Las Palmas chu 0-0 in an inhnehtawkpui.

Anfield-a Sevilla nen an inkhelah Reds tan Luis Diaz chuan goal hnih a khung a, Diogo Jota leh Trey Nyoni ten goal khat ve ve an khung bawk - Sevilla tan Peque Fernández chuan goal khat khung ve mah se, awmzia a nei phak lo.

Sevilla lakah hian pre-season tour-a inlan lo Trent Alexander-Arnold, Alisson Becker, Luis Diaz, Virgil van Dijk leh Alexis Mac Allister te chuan bul an ṭan vek a, Arne Slote-a'n a player ṭhate a nei let ṭan hi a phur khawp ang.

Reds hian Pathianni zanah entu awm loin Las Palmas an hmachhawn zui a, chak zawk an awm lo - he inkhelah pawh hian US tour-a kal ve lo Darwin Nunez chuan bul ṭanin, Euro khelh vanga chawl rei Cody Gakpo pawh a inlan a, hliam vanga a chawlh reng hnuah left back Andy Robertson pawh a inlan ve thei leh ta.

Slot-a hnauiah Liverpool hian an pre-season match hmasa berah Preston North End hmachhawnin, 1-0 in an chak lo a, hemi hnuah Real Betis (1-0), Arsenal (2-1) leh Manchester United (3-0) te chu US-ah an hneh a, Anfield-a match hnih an khelhah an tlawm lo bawk.

Liverpool hian August 17, Inrinni tlai dar 5:00-ah an match hmasa ber an khel dawn a, Ipswich Town an hmachhawn ang.