Asia Cup thlen duh Qatar

Asian Cup champion lai Qatar chuan kum 2027-ah Asia rama football inelna sang hi thlen an duh a, Nilaini khan Asian Football Confederation (AFC) hnenah dilna an thehlut, inelna thleng tur hi nakkumah puan a ni ang.

AFC chuan Qatar bakah hian ram dang pali - India, Iran, Saudi Arabia leh Uzbekistan te chuan Asia Cup 2027 hi thlen an duh niin an tarlang a, mahse ram ṭhenkhat hi chuan dilna pangngai tak an la theh lut lo.

Qatar hian Asian football inelna sang hi tun hmain vawi hnih - 1988 leh 2011 khan a lo thleng tawh. Khawvel huap inelna lian FIFA World Cup 2022 an thleng dawn a, football tournament lian hi thlen chhunzawm zel an duh tihna a ni.

Asia Cup neih hnuhnung ber chu 2019 kha a ni a, ram 16 inlan ṭhin chu ram 24-ah tih pun a ni - Qatar hi an champion. Kum 2023 chu China-ah neih a ni ang.