Dortmund an sang zel

Borussia Dortmund harh tharna chan mek hi a lem a ni lo, a tak tak a ni. Inrinni zan khan Bundesliga-ah Schalke 3-0 in an hneh a, table-ah 10-naah an inhlangkai.

Signal Iduna Park-ah Dortmund-in inkhel thunun mah se goal an khung lawk thei lo a, minute 78-naah goal hma­sa ber an khung chauh. Gabon forward Pierre-Emerick Aubameyang-a'n goal hmasa ber hi a khung a, Henrikh Mkhitaryan leh Marco Reus te'n goal khat ve ve an khung leh bawk.

Aubameyang hian a goal khung lawm nan Batman-a hmaikawr a vuah a, Reus chu Robin-a hmaikawr a pe ve bawk. Inkhel entu 79,500 zetin an goal lawm dan hi an lawm hle.

Dortmund forward Aubameyang chuan, "Batman leh Robin hi i lo la hre ngai lo a nih chuan tunah chuan i hre tawh ang," tiin inkhelh banah a uang zui.

German midfielder Reus pawh ṭawng chhuak­in, "Kar li liamta kha chuan tla thei dinhmunah kan ding a, tuna kan awmna erawh a dang ta. Kan game hmabak apiang chak zel kan tum ang," tiin a sawi. Dortmund midfielder hian match hnuhnung panga goal a khung vek.