Zarkawt Derby-ah BCA an dingchang

Zirtawpni tlai Sam­sung 3:16 Plan Solution Mizoram Super League-ah Zarkawt Derby kan hmu a, bul ṭan ṭha zawk Zarkawt Serpents an ṭang tluan zo lo a, a tawpah Zarkawt BCA 75-70 in an chak hram.

Serpents tan Lalrin­zuala (17pts, 13 rebs), K. Lalhruaitluanga (17 pts, 7 rebs) leh Lalsangkima (13 pts) te an che ṭha a, amaherawhchu chak result an hlawhchhuak thei lo. BCA tan Zorinsanga (16 pts, 5 rebs), Henry Lalramngaihawma (14 pts, 8 rebs) leh Jackson Lalrintluanga (10 pts, 5 rebs) te an langsar a, third quarter-a point 11 score-tu Zorina chu BCA chakna chhanah a ngaih theih.

Serpents-in Ningani zanah hmahruaitu TBL Khatla an hmachhawn ang a, BCA-in Zirtawpni zanah Tuikual South nen an inkhel thung ang.

Eng nge an sawi?

Serpents manager Dino Laldinpuia Chhangte chuan, "Kan inkhelh dan hrimah chuan lawm lohna ka nei hran lo, amaherawhchu pressure kan handle fuh lo ni berin ka hria. Kan game hmasa ber thlir chuan hmasawn tak kan ni," tiin a sawi.

Dino chuan sawi chhun­zawmin, "Insiam ṭhat hi chu kan chak emaw chaklo emaw insiamṭhatna hi chu kan tum reng a, kan system thlak a ngai deuhin kan hriaa tunah hian chumi atan hma kan la mek," tiin chak loh reng an tum loh thu a sawi.

BCA assistant coach Lalruatfela chuan, "Game hnih ciah kan la khel a, TBL nen kan ṭha fal bik tih a la sawi theih loh," tiin Vanglaini palai zawhna chhang.