Final-ah Vengthlang North Vs Venglai

Champhai Inter Village Football Tournament ngaih­­hlut Rii & Hawla Trophy semifinal chu Inrin­ni khan khelh a ni a, Vengthlang North leh Venglai te'n final an lut. Final hi inelna neihna hmun Chhangphut field-ah March 3, Thawhlehni dar 1:00-ah khelh a ni ang.

Inrinni khan semifinal hmasa zawkah Vengthlang North-in New Champhai 3-1 in an hneh. Vengthlang North tan Khawpuimawia, Lalrema leh Lalfaka te'n goal an khung a, New Champhai tan Lalchhanhima'n goal khat a khung ve bawk.

Semifinal hnuhnung zawkah Lalawmpuia'n goal awmchhun a khung a, Venglai-in Tualpui 1-0 in an hneh.

Champhai DFA buat­saih inlenaah hian pakhatnain Rs 1,00,000 an dawng a, pa­hnihnain 40,000/ an dawng bawk ang. Top Scorer, Best Player leh Fair Play Award a awm dawn a, final thleng zo tan lo New Champhai leh Tualpui te'n Rs 5000 ve ve an dawng bawk.