Semifinal-ah Konta a lut

British number 1 Johanna Konta chuan tun hnaia a khelh ṭhat a chhawm nung zel, nimin khan Maria Sakkari hnehin Western and Southern Open khelh laiah semifinal a inhlangkai. Kum 29 mi hian tun tournament khelh laiah a service a la hloh miah lo, Greek player lakah pawh harsatna lian tham tawk loin 6-4, 6-3 in hnehna a chang - Sakkari hian a match hmasa lamah Serena Williams a lo vaw tla tawh.

Konta-i'n inkhel a thunun hneh viau, seeded 13-na lakah hian break point vawi 12 a hmuh zinga pathum a chhawr ṭangkai a, harsatna a tawk lo. Final lut tur chuan seeded pariatna Victoria Azarenka a paltlang leh a ngai ang.

Britain nula Konta chuan, "Beiseina sang tak nen New York kan pan a, ka duh ang ngeiin ṭha takin ka khelh theih avangin ka lawm," a ti. US-ah hian a coach thar Thomas Hogstedt nen an thawkdun 

ṭan chiah a ni. Inkhel dangah Grand Slam vawi hnih champion tawh Azarenka chuan Ons Jabeur chu 7-6, 6-2 a hnehin semifinal a lut. Japanese nula Naomi Osaka pawhin Western and Southern Open-ah a vawi khat nan semifinal lut mah se inelna aṭang hian a inhnukdawk thung.