Innocent-a a champion

Kolasib Tennis Open chu Inrinni khan khelh zawh a ni a, mens singles-ah Innocent Lalrindika, Aizawl Tennis Club (ATC) a champion.

Mens singles-ah hian Innocent Lalrindika hian Mizoram no. 1 Ramengmawia hnehtu Lalrinawma (P&E Dept.) hmachhawnin, a tir aṭangin a khel ṭha nghal hle. A tir aṭanga a khelh ṭhat chhawrin Innocent-a hian Rinawma hi 6-2, 6-4 in a hneh a ni.

Mens doubles final-ah Innocent Lalrindika hi a vanduai lamah a ṭang ve thung a, a ṭanpui Lalhmachhuana nen mens singles final-a a hneh Lalrinawma leh Ramengmawia inkawp 6-3 6-3 in an hneh lo.

Category dang zawngah Kolasib District Tennis Association lamin ro an rel a, champion leh runners up dinhmun an hauh vek a ni.