Noble-a'n contract thar a ziak

West Ham midfielder Mark Noble chuan West ham United-ah contract thar a ziak. Kum 2020 thleng West Ham-ah hian a cham ang a, kar khatah pound 50,000 a hlawh ang.

Contract pawtsei hlim Noble chuan, "Football khelh hi nuam ka ti em em a, a bik takin West Ham tan a khelh hi nuam ka ti hle a ni. Kum nga leh a chanve daih contract ka ziak thar thei hi ka lawm tazet a ni," tiin a sawi.

West Ham boss Sam Allardyce chuan, "Noble hi West Ham a piang leh seilian a ni a, he club hi a thisen nen a inzawm tlat a ni. Amah ang tho hi James Tomkins a awm bawk a, anni pahnih kan nei hi kan vannei hle. Club tan an hlu a, player naupang zawkte kaihruai tur leh entawn atan an ṭha hle," tiin a sawi.

Kum 27-a upa Noble hi West Ham club player of the year vawi hnih a lo ni tawh. English midfielder hian kum 2000 khan kum 13-a upa niin West Ham a zawm a, club tan match 300 chuang a khel tawh a ni.