LBS Suzuki CYMA Volleyball Semifinal-ah a ṭha pali

CYMA leh Mizoram Volleyball Association (MVA) buatsaih LBS Suzuki 23rd Inter Branch YMA Volleyball Tournament 2024-ah team ṭha pali Hunthar, Chhinga Veng, Muanna Veng leh Khawhai ten semifinal an lut.

Champion lai Huntharin nomawi humhim turin an la ṭha tawk tih an lantir a, nimin inkhelah PVL club nei thar Khawbel chu straight set-in an hneh. Hunthar hian Tuikual North hnehtu Chhinga Veng nen semifinal an khel ang.

Champion rinkai Muanna Veng pawhin Dinthar hnehin semifinal an lut a, final lut turin Khawhai an hmachhawn a ṭul dawn. Final tluk zeta inkhel hmuhnawm a ni thei ang.