PFA Poty Award nominee-ah City player 3

Nimin khan PFA player of the year awards nominee player paruk chhawp chhuah a ni a, Manchester City player pathum an lang. Chawimawina dawng tur hi August 20, Thawhlehniah an puang ang.

City player Phil Foden, Erling Haaland leh Rodri bakah Arsenal captain Martin Odegaard, Chelsea midfielder Cole Palmer bakah Aston Villa striker Ollie Watkins te an tel.

Foden hian PFA young player of the year chawimawina vawi hnih a dawng tawh a, season liam ta khan city tan goal 27 a khung. English midfielder hi Premier League-a nomawi vawi ruk chawi thei naupang ber a ni.

Haaland hian season liam ta khan PL-ah goal 27 khungin top scorer a ni a, City innghahna Rodri-a'n Euro 2024-ah Spain champion puiin best player-ah an thlang.

Cole Palmer pawhin Chelsea tan goal 22 khungin assist vawi 11 a nei a, Arsenal captain Odegaard-a'n goal leh assist vawi riat ve ve a nei. Villa forward Watkins-a'n goal 19 khungin assist vawi 13 a nei bawk.