A zawnin Pegula a champion

Jessica Pegula chuan Canadian Open nomawi a kawl lai a humhim. Nimin zing final inkhel hmuhnawm takah Pegula hian Amanda Anisimova chu 6-3, 2-6, 6-1 in a hneh.

Buffalo, New York lam mi Pegula tan Canadian Open hi hmun ṭha a ni, he hmunah hian match 17 a chak tawh a, ṭum hnih chiah tlawm a la nei, record a nei ṭha rih hle a ni.

Kum 30 mi Pegula chuan, "Kumin chu ka tan hun harsa a ni a, tluk leh din fawmin ka kal a ni ber mai. Tunah chuan ka tan hlim ni kawl a lo eng ve leh ta, ka tana Canadian Open hlutna hi sawifiah mai theih pawh a ni lo," a ti.

Tennis season chawhnu lam a ni tawh a, Grand Slam pali khelh tur zinga pathum an khel zo tawh. Hard court inelna lian hnuhnung US Open chu August thla chawhnu lam aṭangin an khel ṭan leh dawn a ni.