Tlai dar 3:30-ah Hmeichhe final

15th August, 2024

Women & Child Development I Day Inter College Women's Football Tournament 2024 final chu vawiin tlai dar 3:30 hian RG Stadium-ah Govt Aizawl College leh Govt Hrangbana College te an inkhel dawn.

Group stage-ah Aizawl College hi chak mah se an chakna zat erawh 3-2 chauh a ni. An intawn hmasak ṭumin GAC tan Carolyn Lalromawii, Zonuntluangi leh Lalnunpuii ten goal khat ṭheuh an khung a, final-ah pawh an pathum hian an pawimawh ang.

HBC lamin goal khung khawl Lalfakzuali an kawl a, ani hian match tinah goal khung vekin match thum aṭangin goal 10 a khung. PUC tlarhnung pawhin Lalfakzuali hi an ven uluk a ṭul dawn.