Tlai dar 1:00-ah Veteran football final

Sorazo I Day Veteran Football final-ah 2K Generation leh Electric Veng te vawiin tlai dar 1:00 hian RG Stadium-ah an inkhel dawn.

2K Generation hian S. Malsawmtluanga, Samson Ramengmawia leh Zohmingliana Ralte (Zotea) te an kawl a, chak tura rinkai ni mah se Electric Veng hi team angin an ṭha thung.

Electric Veng tan tlarhmaah MPL team pawh enkawl tawhtu Remlalthlamuanpuia ke a hmui ṭha a, Santosh Trophy-a Mizoram champion puitu goalkeeper Vanlalhriata a awm a, a vanglaia midfielder hmuhnawm Valbuanga an kawl - champion beiseina an nei ang.