Cherries-in Araujo an la

Bournemouth chuan Barcelona aṭangin fullback Julian Araujo an la lut a, a man zat tarlan a ni lo - kum nga chhung atan contract an ziahpui a, tun nipuia an player lakluh pangana chiah a ni nghal bawk.

Kum 23 mi Araujo hi USA-a piang leh seilian niin, LA Galaxy aṭanga inzir chhuak a ni a, international football-ah chuan Mexico tana inlanin, match 13 a khelhsak tawh.

Araujo hian February 2023 khan Barca zawmin, Las Palmas-ah loan-a chhuahtir nghal a ni a, match 28 khelhsakin goal hnih a khung. Barca tan erawh a inlan hman miah lo thung.