Mizoram karate team feh chhuak

15th August, 2024

All Mizoram Karate Association (AMKA) leh Mizoram State Sports Council tirh Mizoram Karate Team-te chuan National Karate Championship 2024 an khel dawm, nimin khan inelna neihna tur hmun Haryana an pan.

Inelna hi August 15-18 chhunga neih tur a ni. Mizoram Karate Team-te hian kumin May thla aṭang khan theihtawpin he championship khel tur hian inbuatsaihna an lo nei ṭan tawh a. AMKA President R. Zomawia chuan beiseina sang tak nen an player-te hi an tirhchhuah thu a sawi.

Manager Lalramthara, Tuikual South leh coach Lalropuia Pautu, Upper Republic ten team te hi an hruai a. AMKA Sr. Vice president, Federation Sr.Vice President ni bawk C. Dosavunga'n team-te hi a ho bawk a ni.