Carvalho-a'n Brentford a zawm

Liverpool forward Fabio Carvalho chuan Anfield chhuahsanin Brentford a pan a, a man atan hian pound maktaduai 27.5 ngawt Brentford hian an theh chhuak. Hetihrual hian a man hi vawi khata pek tlak nghal vek tur a ni lo.

Brentford hian £22.5mtd chu Reds hnenah hian an pe phawt a, a bak chu a khelh ṭhat dan a zira pek tur a ni. Hei mai ni loin, Brentford hian an hralh leh a nih chuan Merseyside club hian 17.5% sum an dawng ve dawn bawk.

Kum 21 mi Carvalho hi Southampton chuan £15mtd-a lei tumin an lo dawr tawh a, anni aia ngam huai zawk Brentford-in an chang ta - Portuguese forward hian kum nga chhung atan contract a ziak a, kum khat dang pawhsei theih a ni.

Liverpool hian Fulham aṭangin kum 2022 khan Carvalho hi £5mtd-in an lei a, an hralhna aṭanga hlawkna 20% hi Cottagers hian an chang ve leh ang.

Carvalho hian Liverpool-ah beisei a phak lo - match 21-a khelhsakah goal thum chiah a khung hman a, season hmasa kha Hull City leh RB Leipzig-ah loan-in a khel.

US pre-season tour-ah Liverpool tana feh chhuak zingah a tel a, a chet ṭhat avang leh Saints dawrna an hnar avangin Anfield-a cham tur anga ngaihna a awm hman a, mahse, Brentford lakah hralh a ni leh ta zawk.