Napoli ngam loh Torino

Serie A inkhelah Pathianni zan khan Champions League khelh tum Napoli chuan khual mualah Torino chu 1-0 in an hneh lo.

Inkhel a goal awmchhun hi Polish defender Kamil Glik-a'n second half-a a thun a ni a, he goal hian Napoli-in pahnihna nih an inbeiseina chu a tih tawp sak rih.

Torino hian match 25 khelh tawhah point 36 hmuin table-ah pariatna an ni mek a, Inter Milan leh AC Milan te chungah an awm mek.

Napoli hian point 45 an hmuin pathumnaah an awm a, palina Lazio nen point hnih chauha an inthlauh avangin season tharah Champions League khelh ngei an tum a nih chuan an chetsual a thiang tawh lo. Serie A-ah sang pathumin Champions League an khel thei a, a awlsam lo.