Wolfsburg chakna Dutch striker Bas Dost
Wolfsburg chuan Werder Bremen chu an khelmual Weserstadion-ah 5-3 in an va hneh, he inkhelah hian tunlai a che ṭha tak mai Wolfsburg striker Bas Dost chuan goal hnih a khung.
Werder Bremen tan hian Zlatko Junuzovic leh Wigan striker hlui Franco Di Santo bakah Vieirinha-a'n an mahni lamah a ti goal palh bawk. Wolfsburg tan hian Dutch striker Dost leh Daniel Caligiuri chuan goal hnih ve ve an khung a, Maximilian Arnold chuan goal khat dang a khung ve bawk.
Dutch forward kum 25-a upa Dost hian kum 2012 July khan Dutch club Heerenveen aṭangin Wolfsburg hi a zawm a, tun hnaia game hnuhnung pakuaah goal 14 zet a khung tawh.
Kum 2015-ah bik Bundesliga match ruka khelhah goal 11 a khung a, kumin (2015 Calendar) a amah aia khung tam awm chhun chu Lionel Messi chiah a ni. Messi hian 2005-ah goal 12 a khung tawh.