Kan thil phal deuh a ni - Mancini

Inter Milan boss Roberto Mancini chuan inkhel inhnehtawk tak ni chung si a point an hlawhchhuak zo lo chu pawi a tih thu leh an goal chhuah chu an tih sual vang a nih thun a sawi.

Pathhianni zan khan San Siro Sta­dium-ah Inter Milan chuan an mikhual Fiorentina chu Egyptian winger Moha­med Salah hmangin 1-0 in an hneh lo.

Inter Milan goal chhuah dan hi a nuihzatthlak hle. Arsenal aṭanga loan hmanga an lak Lukas Podolski-a'n corner a pet sual a, penalty area a thlen hmain Fiorentina player-in lo changin counter-attack aṭangin an nawr let nghal a, Salah chuan mawi takin goal veilam sir aṭangin a thun a ni.

Salah hian Chelsea aṭangin Fiorentina-hi loan in a zawm a, a club tan hian League match li chauh a khelh tawhah goal thum a khung der tawh.

Arsenal-a khelhna hmun chang lo Podolski-a'n Inter tan a khel ṭha rih lo. Fiorentina an hmachhawn ṭum hian minute 66-naah lakchhuah a ni.

Inter boss Mancini chuan, "Xherdan Shaqiri khan a rawn luh chinah khan a khel ṭha hle a, game a tinung in min chak pui ngei pawh kha kan bei sei hman. Ani khan inkhel bul a aṭn loh chhan chu Europa League kan khelh ṭum khan a chau deuh a, chuvang chuan hahchawlh deuh kha a mamawh a ni," tiin a player siksawi chung chang an zawhna chu a chhang.