PSG-in hun ṭha an bawh pelh

Pathianni zan khan French Ligue 1 inkhelah Paris St-Germain leh Monaco te chu goal lut loin an inhnehtawk a, PSG-in hmahruai theihna hun ṭha an neih an hmang ṭangkai lo.

Inrinni zan khan hmahruaitu Lyon chu an khingpui Lille chu 2-1 in an hneh lo a, point thum an hloh avangin an dinhmun a derthawng hman. Mahse an vanneih ni a ni hlauh a, an hnuai ami ten point thum an hlawh chhuak zo bik lo.

Striker Zlatan Ibrahimovic chhawr thei lo PSG lamin minute 90 chhung goal an khung thei lo a, Arsenal laka goal thum thun thei Monaco pawhin goal an thun thei bik lo.

Mual neitu Monaco lam hian goal khung tumin PSG goal-ah vawi ruk an pet a, goal zawnah vawi khat chauh an pet thei. Hetih lai hian PSG lam hian goal shot vawi 12 an nei thung a, amaherawhchu anni pawh hian goal zawnah ṭum hnih bak an pet thei bik lo.