Tawnhriat kan nei ṭha - Wilson

Ireland wicketkeeper Gary Wilson chuan kar hmasa nilaini a UAE an hneh chhan chu tawnhriat an neih ṭhat vang zawk a ni a ti.

County cricket-a Surrey tana khel mek Gary Wilson chuan, "UAE hian hetiang ang boruak lian hi an la tem ngai lo a, kha kha keini tan chuan kan chakna hnar a ni," a ti.

2015 ICC World Cup-ah hian Ireland hi mipui rin phak baka rawn che ṭha an ni a, an match hmasa berah rin loh taka West Indies an hneh hnuin UAE an hneh leh a, super eight lut turin dinhmun duhawm takah an ding mek.

Tukin zing dar 9:00-ah Ireland hian South Africa an tum leh dawn a ni.