Premier League dan thar

Minute 75: Season liam taah kha chuan club-in darkar khat hmain starting line up an puang thei lo, tun season aṭang chuan minute 75 (darkar khat leh minute 15) la awmin starting line up an puang thei dawn.

Mi 5 - Warm up: Covid-19 hnuah Premier League-ah substitution zat chu player pathum aṭangin player pangaah an sawn chho. Tun season aṭang chuan mual sira warm up thei zat pawh pathum aṭangin pangaah tih pun a ni.

Ball 15: Premier League match khatah hian player 10 hman ṭhin a ni a, tun season-ah chuan ball 15 hman a ni tawh dawn. Ball vanga inkhel khaih lak a tlem phah tura ngaih a ni a, goal hnunga ball assistant te pawhin goalkeeper hnenah ball an pe thei ang.

Injury time chhut time: Tun season Premier League-ah hun pek belh (added time/injury time) chhut dan an thlak danglam hret dawn. Goal an khungin second 30 ral hnu aṭangin hun khawhral anga chhut a ni ang a, second 30 pelhna zat chu added time-ah an pek belh ang.

Box chhunga handball: Penalty area chhunga handball hi buaina tham a tling a, dan an thlak ngun avangin hriatthiam pawh a har hle. Tum vang ni loa handball chu yellow card pek a ni dawn lo a, penalty erawh a chawi tho ang.

Penalty chungchang: Penalty pet danah pawh thlak pahnih a awm. Pakhatnaah chuan ball dahna chungchang. Penalty pet dawnin ball chu spot lai tak zawn hrul talin a awm tawh tur a ni. Tun season aṭang chuan penalty spot hma deuha dah a, ball leh penalty spot tlang insi ang kha a rem tawh dawn lo.

Pahnihna chu penalty pet laia box chhunga player tlan lut an awmin, an inrawlh chauhin hrem an ni tawh dawn. Player-in penalty pet ta se, a pet hmaa player tlan lut chuan goalkeeper dan chu goal-ah chantir emaw clear emaw ta se hrem tur a ni dawn. Tun hma chuan penalty pet hmaa box chhunga tlan lut an awm hrim hrim chuan, an inrawlh zui loh pawhin hrem an ni ṭhin.