Veteran-ah 2K Generation an champion

Sorazo I Day Veteran Football Tournament-ah 2K Generation chuan final-ah Electric Veng 4-0 a hnehin an champion. Nimin khan RG Stadium-ah final hi khelh a ni a, 2K tan Zohmingliana Ralte, H. Lalrochama, Samson Ramengmawia leh K. Zosangliana ten goal an khung.

Veteran inelnaah hian team 18 an tel a, 2K Generation hi inelna ṭan hmaa team ṭha zinga ngaih a ni. Final-ah pawh 2K hian inkhel an thunun a, amaherawhchu Electric Veng tlarhnung phui ṭha tak avangin goal an khung lawk lo. Best player-a thlan Zotea'n a khung hnuah erawh 2K-in harsatna an tawk tawh lo.