I Day Hmeichhe Football: Hrangbana College an champion

Women & Child Development I Day Inter College Women's Football Tournament 2024-ah Hrangbana College-in group stage-a an hneh loh Govt Aizawl College 2-0 a hnehin an champion. HBC tan hian Angela C. Laldinthari leh Lalfakzuali ten an khung.

Hmeichhe inelnaah hian team pali HBC leh GAC bakah Pachhunga University College leh T. Romana College te an tel a, group stage-ah vawi khat ṭheuh inkhel kualin GAC-in an khingpui an hneh vek.

Final-ah GAC an chesual a, HBC a hunah tak an che ṭha thung. HBC forward Lalfakzuali'n match zawng zawngah goal a khung vek a, goal 10 khungin top scorer a ni.