Ram tana inkhelh chawlhsan Daley Blind

Manchester United leh Bayern Munich defender Daley Blind chuan ram tana inkhelh a chawlhsan thu a puang. Netherlands tana match 108 kheltu hian ṭhangtharte tan hmun a kian a ni.

Kum 34 mi Blind hian a vanglai a hmang zo chho ve tawh a, kum 2014 World Cup khan an ram hi semifinal a thlenpui bakah Qatar World Cup-ah khan quarterfinal a luhpui bawk.

A chawlh thu sawiin Blind chuan, "Player naupang rual ṭha tak tak an rawn chawr chhuak a, anni hian kan ram hmel an ti mawi dawn a ni. Manager nen kan inbia a, ngun taka kan sawi dun hnuah player naupang zawk te hmun ken hi a ṭha ka ti.

"Oranje jersey vawi 108 ngawt mai ka ha thei ka ka tan a hlu a, football zinkawngah ram tana inlan hi chawimawina sang a ni," a ti a, ram tana inkhelh chawlhsan mah se club lamah chuan La Liga club Girona tan season khat daih contract a la nei.