Kum sarih hnuah Liverpool-in hlawkna têl

Liverpool chuan kum sarih hnua a vawikhatna atan hlawkna an tel ve ta a, tunhnaia Premier League-a sum leh pai tam thar vang a ni.

Reds-in hlawkna an tel hi pound nuai kua a ni a, kum 2013-a pound maktaduai 49.8 an hloh aṭanga chhut chuan hmasawnna ṭha tak a ni.

Media aṭanga sum an lakluh zat hi 46% in a pung a, an lakluh zat chu pound maktaduai 100.9-a ni a, sumdawnna aṭanga an sum lakluh chu 5% a pungin pound maktaduai 103.8 a ni bawk.

Liverpool sum lakluh hi 19% laiin a pung a, an sum lakluh zawng zawng zat hi a vaiin pound maktaduai 255.6 a ni.

Kum 2010 aṭang khan Liverpool hi John W. Henry-a enkawl Fenway Sports Group, US investment company-in an lei hnuah lei ba an neih te pawh nasa takin a tlahniam bawk. Liverpool leiba hi pound maktaduai 12.2 aṭangin pound maktaduai 57.3-ah tunhnaiah sang mah se kum 2010-a John W. Henry te'n an enkawl hnua a tlakhniamna hi pound maktaduai 237 a ni.

Liverpool Chief exe­cutive, Ian Ayre chuan, "Kan sum leh pai din­hmunin nasa takin hma a sawn a, kum 2009 vela pound maktaduai 170 kan lakluh leh kumin a kan sum lakluh zat pound maktaduai 250 khaikhin hi chuan kan hmasawnna hi tam tham hle a ni," a ti.