Mascherano hian min tibuai lo - Sergio Busquets

Barcelona midfielder Sergio Busquets chuan Javier Mascherano-a'n a dinhmun a luah lan a rin loh thu a sawi.

Argentina interna­tional Mascherano hian kum 2010 khan Liverpool aṭangin Barca hi a zawm a, Catalan club-ah hian defender-ah leh defensive midfielder-ah an chhawr chhawk ṭhin.

Kum 26-a upa Bus­quets chuan, "Kan coach Enrique hi thutlukna siamtu tur chu a ni. Mas­cherano nen hian kan khelh dan hmang kan inhrethiam tawn hle. Ani nen hian ṭha takin kan khel dun thei. Coach-in midfield-a a khelh tir ve avang hian ka tan buaina tur a awm lo, kei chuan ka theih tawpin Barca tan ka khel ṭhin. Team tan a ṭha ber turin kan boss hian thutlukna a siam thin a ni," tiin a sawi.