F4-ah Schumacher-a fapa

Formula one dri­ver ropui Michael Schu­macher-a fapa kum 15-a upa Mick Schumacher chu Formula 4 tlan tura contract ziah pui a ni.

Season liam ta khan Mick hi German kart championship-ah pahnih-na a ni a, season tharah F4 team Van Amersfoort Racing tan a tlan ang.

Team neitu Frits van Amersfoort chuan, "Test Driving kan neih pui a, a ṭhatzia kan hmu a, season ṭha tak a hmuh ngei kan beisei," tiin a sawi.

Formula 4 season thar hi April 25 aṭangin Germany-ah ṭan tur a ni. Mick-a pa Michael Schumacher hi F1 driver hlawhtling a ni a, 1994 leh 2004 chhung khan title pasarih zet a la tling. Michael hi December 2013 khan vur tawlhnaah a chesual a, thla kua zet damdawi ina a awm hnuin uluk taka enkawl chhunzawm zel a ni.