India squad-ah Jeje leh Didika tel zel
Player 32 thlan chhuah a ni tawh a, inkhelh leh practice awm hma hauhin player 26-ah tih tlem a ni. World Cup pre qualifier-a Nepal hmachhawn tur India football team zingah Lalrindika Ralte leh Jeje Lalpekhlua te hming a lang zel.
A vawihnihna atana India coach Stephen Constantine chuan player 32 a thlanchhuah hnuin mi paruk a chhawk a, mi 26 a thlang chhuak.
India squad aṭang hian Salgaocar keeper Karanjit Singh, Dempo SC center-back Rowilson Rodrigues, East Bengal player pahnih Raju Gaikwad leh Mehtab Hossein bakah Bengaluru FC player Rino Anto-te chu paih an ni a, tunhnaia Brazilian club Atletico PR zawmtu Romeo Fernandes chu squad aṭang hian paih a ni bawk a ni.
India hian March 4 aṭangin Guwahati-ah training an ṭan ang a, I-League match khelh tur neite chu ni khata training an zawm tlai phalsak a ni ang.
India hian March 12-ah Nepal nen World Cup pre-qualifier 1st leg Indira Gandhi Athletics Stadium, Guwahati-ah an khel ang a, March 17 khian Kathmandu-ah second leg an khel leh bawk ang.
India squad:
GOALKEEPERS: Subrata Paul (Mumbai City FC/Salgaocar), Gurpreet Singh Sandhu (Stabek FC), Arindam Bhattacharya (FC Pune City/Bharat FC).
DEFENDERS: Keegan Pereira (Bengaluru FC) , Saumik Dey (Kerala Blasters/East Bengal), Arnab Mondal (Atletico de Kolkata/East Bengal), Aiborlang Khongjee (North East United/Shillong Lajong), Sandesh Jhingan (Kerala Blasters/Sporting Clube de Goa), Augustin Fernandes (Salgaocar SC), Pritam Kotal (FC Pune City/Mohun Bagan).
MIDFIELDERS: Prabir Das (FC Goa/Dempo), Francis Fernandes (Delhi Dynamos/Dempo), Lenny Rodrigues (FC Pune City/Dempo), Eugeneson Lyngdoh (Bengaluru FC), Anthony D’Souza (Pune FC), Cavin Lobo (Atletico de Kolkata/East Bengal), Lalrindika Ralte (Mumbai City FC/East Bengal), Dhanapal Ganesh (Pune FC).
FORWARDS: Mandar Rao Desai, Alwyn George, Holicharan Narzary (all FC Goa/Dempo), Sunil Chhetri, Robin Singh (both Bengaluru FC), Balwant Singh, Jeje Lalpekhlua (both Chennaiyin FC/Mohun Bagan), Jackichand Singh (Royal Wahingdoh).