Barca tana khelh duh Dybala

Palermo attacker Paulo Dybala hi player lar tak chu a ni lo, amaherawhchu kum 21-a upa hian season ṭha tak a hman avangin Italian club-ah hian a cham rei a rinawm lo.

Argentine forward hian Barcelona tana a khelh chu a châk ber a nih thu a sawi.

Dybala chuan, "Barce­­lona tana ka khelh theihna tur a nih phawt chuan eng pawh ka huam. A ṭul phawt chuan ka hleuh thleng mai ang. Mediterranean tuipui bak hleuh chhuah a ngai hleinem," tiin Catalan club tana khelh a duhthu a sawi.

Argentine forward hian tun season Serie A match 24-ah goal 12 a khung tawh a. Palermo-ah hian June 2016 thleng contract a nei a, a hun hmaa la chhuak tur chuan Palermo president Maurizio Zamparini chuan euro maktaduai 40 hman a ṭul tur thu a sawi.