Scotland an hrem

Scotland chu Afgha­nistan nen an inkhelh ṭuma an chet mawi loh avangin hrem an ni.

Ningani khan ICC World Cup-ah Afghanistan leh Scotland an inkhel a, Scotland hian ball vawm hun chhung tur aia rei ball an vawm vangin hrem an ni.

Crikcet-ah hian over khat vawm hun chhung tur bituk a ni a, batsman khel ṭha tluang lai te tibuai turin captain kaihhruaina hnuaiah bowler-te hian an vawm khaw tlai lui ṭhin a, hei hi ICC chuan a ngai haw hle a ni.

Scotland players ho hi an match fee 10% chawi tir an nih bakah an captain Preston Mommsen chu mawhphurtu ber a nih vangin match fee 20% chawi tir a ni. Scotland hian hetiang thil hi an ti leh a nih chuan Mommsen hi World Cup match khat khel thei lo tura hrem a ni tawh ang.

Scotland hian Ninga­ni zing dar 3:30-ah Bang­ladesh an khel leh ang.