Juventus Vs Fiorentina

Zanin dar 1:15 hian Coppa Italia semifinal first leg-ah Juventus leh Fiorentina te an inkhel dawn a, Ten Action-ah live a pekchhuah tur a ni.

Fiorentina hian an match hnuhnung 12-ah hneh loh an tawng lo. Serie A champion Juventus hian an game hnuhnung berah Andrea Pirlo leh Paul Pogba te tel loin Roma nen 1-1 in an inhnehtawk.

Juve coach Massi­miliano Allegri chuan, "Hmasawn kan ngai a ni. Kan inkhel hnuhnung thlirin ball kan hloh nasain inkhel kan thunun tawk lo. Kan khingpui tur Fiorentina hi team ṭha tak an nih avangin kan theihna zawng zawng kan hman a ngai ang," tiin inkhel tur a thlir lawk.

Allegri chuan sawi chhunzawmin, "Tun hniah game kan khelh tam avangin player an chau a, amaherawhchu hlawhtlinna chang tur chuan a hmasain hun harsa kan paltlang a ngai a ni," tiin a sawi.