Zouma hian Terry a la thlak thei ang - Mourinho

Chelsea manager Jose Mourinho chuan French defender Kurt Zouma-a'n Chelsea captain a nih theih ngei a rin thu a sawi.

Kum 20-a upa French defender hian tun season-ah club tan match 15-a khel tawh a, tharum a ngah vang leh a fin avangin Mourinho-a'n a chungah beiseina a nei sang hle.

Portuguese manager Mourinho chuan, "Zouma hian ka beisei phak bakin hma a sawn chak a, tleirawl te la ni mah se amah hian inrintawkna leh theihna sang tak a awm a game sang tak khel tur pawn a puitling tawh a ni. Kum 23 a nih hunah chuan Chelsea captain a ni thei ang, captain ni turin finna a nei a, player dangte kaihruai turin a ṭha dawn hle a ni," tiin a defender chu a fak hle.