Hull leh Sunderland inhnehtawk

Thawhṭanni zan khan KC Stadium-ah Hull City leh Sunderland ten Premier League an khel a, goal khat ve ve thunin an inhnehtawk. Sunderland manager Gus Poyet chu he inkhelah hian hnawhchhuah a ni.

Mipui 23,017 hmaa inkhelah Hull forward Dame N'Doye chuan inkhel ṭan aṭanga minute 15-na lekah goal hmahruai a khung. Senegalese forwad hian Tom Huddlestone-a ball cross ṭha zet mai chu box chhung aṭangin goal veilam sirah a tlawh lut a ni.

Sunderland tan Jack Rodwell chuan minute 77-naah Patrick van Aanholt-a ball cross chu goal-ah a chantir a, 2-1 in inkhel a tawp.

Result avang hian team pahnihte point in­thlauhna chu point khat a la ni chhunzawm zel. Hull hian match 28 khelh tawh aṭangin point 27-an hmu tawh a, an hnuai chiaha awm Sunderland-in point 26 an hmu thung.