Schalke-in Nastasic an duh

Bundesliga club FC Schalke chuan Man­ches-ter City aṭanga loan-a an hawh mek Matija Nastasic chu a ngheta lakluh an duh thu an sawi.

FC Schalke general manager Horst Heldt chuan, "Nastasic hi a ngheta lak duh theih dan kan nei a, kan hneha awm khel reng turin kan duh. Germany-a alo kal hnuin a insiam rem chak em em a, tuna a khelh dan hian minti lawm hle. Kan tana ṭha em em mai chu Manchester City leh Nastasic-a aiawh te nen kan club-a a ngheh theih dan tur kan ngaihtuah mek," a ti.

Serbia international Nastasic hian January transfer-ah khan loan -in German club hi a zawm a, an inremna ang chuan season tawp thleng Schal­ke-ah hian khel tura tih a ni.