Coquelin chhuak hman ṭep

Arsenal manager Arsene Wenger chuan an midfielder duhawm Francis Coquelin chu a thlawna a chhuah tir hman ṭep thu a sawi.

Wenger chuan, "Sea­son ṭan dawn khan ka ruahmannaah a tel lo hrim hrim a, Charlton pan tur khan thu ka rawn a ni. Decemeber-a ka koh kir khan a lawm lo em em a, a chhan chu a khelh meknaah khan a khel tamin kan club-ah erawh mi dang thachhang dawl tur ang leka inngaihna kha a nei a ni. Man nei lo khan ka chhuah tir hman ṭep bawk. Ka player-te hi chance ka pe vek a, chance hmang thiam apiang an vannei mai ṭhin," a ti.

'The Professor' chuan a midfielder chu fakin, "Tunhnaiah heti taka a rawn khel ṭha hi mak kan ti em em vek a ni. Mahse, a ṭhatna lai hi a in hre chiang em em a, midfield position-a khel chunga defender a puih hian a khel ṭha lehzual, hei hi a ṭhatna chu a ni," a ti.

Kum 23-a upa Coque­lin hian season ṭan dawn khan Charlton Athletic chu loan-in a zawm a, December khan Arsenal-ah koh kir a ni.