Dani Alves-a'n Barcelona chhuahsan a tum

Barcelona defender Dani Alves agent Dinorah Santana chuan Brazilian defener chuan nipui transfer-a Catalan club chhuahsan turin club ṭhenkhat nen inbiakna an kalpui mek tawh thu a sawi.

Santana chuan, "Club dang tan tunah hian kan sign ṭep tawh a, club ṭhenkhat nen kan in be mek a ni. Dani hian Barca tana khelh a la duh reng a, mahse contract an zawrh hun hi rei tak a nghak thei dawn lo a ni," a ti.

Kum 31-a upa Brazilian defender hi Camp Nou-a a contract season tawpah a tawp dawn a, tun thlengin Barcelona hian contract thar an la zawrh rih lo a ni. Alves hian contract thar a ziak lo a nih chuan season tawpah a duhna club-ah a thlawnin a zawm thei ang.