Liverpool-in min ban ka hlau hman - Rodgers

Brendan Rodgers chuan season chawhma lamah khan Liverpool-in an ban mai a hlauhthawn hman thu a sawi.

Rodgers hian Reds hi season hmasa khan a chet ṭhat pui hle a, Premier League-ah pahnihna a nih pui a, Champions League khelh thei dihmunah a hlangkai.

Amaherawhchu, Liverpool hi season ṭan dawnah an star player Luis Suarez-a'n Barcelona a pan san a, Daniel Sturridge a inhliam bawk. Hei vang hian beisei an phak lo a, Champions League-ah group stage aṭanga tla nghalin Premier League-ah beisei an phak lo chhunzawm bawk.

Rodgers chuan November thla a Crystal Palace an hneh loh hnu phei kha chuan a hlauhthawn hman thu a sawi a ni.

Swansea City mana­ger hlui Rodgers chuan, "Palace kan hneh loh hnu kha chuan min support-tu tam tak awm mahse ka hlauthawng hle a ni. Mahse, hma taka tlawm leh beidawng mai chi ka ni ve lo a, ka theihtawpa ka nunna atan a beih kha ka duh a ni. Helai hmuna awm hi ka duh a, he hmunah hian hlawhtlin ka duh a ni, " tiin Liverpool chu hlawhtlinna tam tak lakpui a duh thu a sawi.