Ruahsurin inkhel tibuai

Mapuia Cricket League ni hnihna chu ruahsurin a tibuai a, nimina Chanmarians leh Ramhlun Venglai te inkhel tur bakah Armed Veng leh Chaltlang inkhel tur chu remchang hmasa berah an khelh hun tur ruat a ni ang.

Vawiin hian MCL inkhel a awm dawn lo a, March 6-ah Suaka Cricket Ground, Sih­hmuiah chhunzawm leh tur a ni. Zirtawpni zing 9:30-ah Armed Veng leh Zemabawk an inkhel ang a, 12:30-ah Ramhlun Venglai leh Zarkawt Lords an inkhel leh ang.

MCL-ah team paruk an awm a, vawi khat ṭheuh inkhelh kual hnuah a sang pahnihin final luh inchuhin qualifier 1 an khel ang. A chak zawkin final an lut ang. Hetihlai hian pathumna leh palinain eliminator round an khel ang a, a chak zawkin qualifier 1-a chak lo zawk nen qualifier 2 an khel ang a, a chak zawkin final an lut ang.

Final hi ruahman dan chuan March 20-a khelh tur a ni.