Southampton-ah Clyne a nghet lo

English defender Nathaniel Clyne-a'n kum 2016 Southampton-ah contract a nei a. English club lian Manchester United, Liverpool leh Tottenham te'n an enthlak reng avangin Clyne-a hma lam hun hi a chiang lo hle.

Southampton mana­ger Ronald Koeman chuan, "Contract hi Les Reed (Southampton’s executive director), agent leh Clyne te thu­tluk­naah a innghat a; a hma lam hun hriat thuai hi kan duh dan chu a ni. Kan club-ah hian cham turin kan duh a, a che ṭhat avangin club dang aṭanga duhthu a hmu nual hi a mak lo," tiin Clyne-a chungchang a sawi.

Dutch manager chuan sawi chhunzawmin, "Tunlaiah chuan wing­back ṭha hi hmuh a har em em a, a bik takin left back ṭha hi hmuh a har lehzual. Right back-ah pawh hian Clyne ang a ṭha hi chu an tam lo a ni," tiin a player a fak.