World Arm Wrestling Championship-ah Mizo pahnih

45th World Arm Wrestling Championship neih turah Mizo pahnih Raymond K. Lalrinpuia leh Benjamin Lalawmpuia Ralte te an inlan dawn, inelna hi Chisinau, Republic of Moldova-ah neih mek a ni.

Mizoram Arm Wrestling Association (MAWA) player Raymond-a hi -65 below Youth (under23) huangah a inlan dawn a, Chaltlang Lily Veng tlangval hian tun hmain Mizoram tan sulhnu ṭha a lo nei tawh ṭhin.

Luangmual tlangval Benjamin Lalawmpuia Ralte hi -100kg huanga inlan tur niin, ani pawh hian tawnhriat a nei ṭha ve bawk a, an theihna tak hi khawvel huapah eng ang tak nge a nih an fiah dawn.

Mizoram Arm Wrestling Association chuan Mizo pahnihin 45th World Arm Wrestling Championship an khel thei tur chu lawmawm an ti hle a, inelna ṭha taka an hmachhawn theih nan Mizo mipuite chu ṭawngṭaisak turin an ngen bawk.