Spurs player thar Odobert

Tottenham Hotspur chuan an squad an thuam chhah zel - Burnley aṭangin winger Wilson Odobert an la lut a, a man zat tarlan ni lo mah se kum 2029 thleng daih contract an ziahpui tih erawh an puang thung.

France Under-21 international hian nipui bazar hmasa khan Burnley hi a zawm a, inelna hrang hrangah match 34 khelhsakin goal nga a khung.

Nikum October thla khan Chelsea lakah goal a khung a, goal a khung lai hian kum 19 mi chauh la niin Clarets tana Premier League goal khung thei naupang ber record a siam.

Paris Saint Germain academy aṭanga inzir chhuak niin Burnley hma hian Troyes tan pawh a lo khel tawh - season tharah chuan Spurs tana inlan phak tumin a bei dawn a ni.

North London club hian August 19, Thawhṭanni zanah tun season atana an Premier League match hmasa ber an khel dawn, kai thar Leicester City an lenchilh dawn a ni.