Mizoram 9 Ball Pool C'ship Lalsangzela'n Lalrina a hneh

Mizoram Snooker & Billiards Association (MSBA) buatsaih CK Hyundai Mizoram 9 Ball Pool Championship 2024-ah Lalsangzela, Khatla South a champion. Zela hian final-ah hian Lalrina Renthlei, Tuikhuahtlang chu 8-7 in an hneh.

Final-ah hian Lalrina'n 4-0 in hma hruai mah se Zela'n a lehthal. Zela hian champion turin John Laldinsanga (quarterfinal) leh PB Liansangzuala (semfinal) leh Lalrina (final) te a hneh. Champion Zela hian Rs 20,000 a dawng a, pahnihna Lalrina hian Rs 10,000 a dawng thung.

Inelnaah hian MSBA top 16 player te an inlan a, Millennium Center-ah August 13-15, 2024 chhung khan khelh a ni. CK Hyundai chu main sponsor a ni a, co-sponsor te chu Mahindra Tractors, Star Cement, Cafe Desire, Mualhawih Picnic Spot, Pepperfry Bawngkawn leh Marlboro te an ni.