Ipswich-in forward thar nei dawn

Premier League kai thar Ipswich Town chuan Blackburn Rovers aṭangin forward Sammie Szmodics an la lut dawn a, pound maktaduai 11 thlenga a man sang chho thei turin an inrem - he thuziak i chhiar meuh chuan an inla lut fel tawh hial ang.

Ipswich hian season hmasa Championship top scorer hi duh viau mah se, Blackburn-in £15mtd an phut tlat avangin an inrem lawk thei lo. Kar ruk zet indawrna kalpui a nih hnuah an inrem thei ta hram - £9mtd an pe phawt ang a, a khelh ṭhat dan a zirin pek belh leh tur a ni.

Kum 28 mi Szmodics hian season hmasa khan Blackburn tan Championship-ah match 44 khelin goal 27 a khung a, inelna hrang hrangah match 48 khelin goal 33 a khung bawk.